'WikiLovesMonuments' lehiaketako irabazleen argazki ikusgarriak
Euskal Wikilarien Kultur Elkarteak aukeratutako irudiak aho bete hortz utziko zaituzte!
722 argazki jaso dituzte aurtengo WikiLovesMonuments lehiaketan, eta Euskal Wikilarien Kultur Elkarteak dagoeneko aukeratu ditu irabazleak. Argazkilari profesional batek eta komunikabide bateko editore batek osatutako epaimahaiak lehenengo galbahea egin zuen, 26 argazki aukeratuz bigarren errondarako. Argazki horiek 1etik 5era arte puntuatu behar izan dituzte, ondoren. Azkenik, Euskal Herriko, Bizkaiko eta Bilboko argazki onenei saria ematen die Azkue Fundazioak; hiru irabazleak Bizkaikoak dira. Jarraian, gozatu lehiaketa irabazi duten argazki ikusgarriekin:
Euskal Herriko onena: Egunsentia Gaztelugatxen.jpg
Egilea: Ebaki
Bizkaiko onena: Bizkaiko zubia gauez
Egilea: Igerrak Elkartea
Bilboko onena: San Anton eliza
Egilea: Igerrak Elkartea
Argazki hauek eta baita emaitzarik altuena lortu duten ondorengo 7ak ere, nazioarteko txapelketara joango dira. Hauek dira, hain zuzen, lehiaketan finalista izan diren 7 argazkiak; haien artean lehia oso estua izan da.
Narros Jauregia
Egilea: Theklan
Donostiako udaletxea
Egilea: Edorta Subijana
Konstituzio plaza 03
Egilea: Edorta Subijana
Konstituzio plaza 02
Egilea: Edorta Subijana
Zorrozako tailerrak
Egilea: Theklan
