Txerri kirolariak

Txerrientzako kirol txapelketak modan daude Errusian. Mota guztietako txapelketak daude, baina Txerrien Olinpiar Jokoak dira ospetsuenak; urtero antolatzen dituzte. Zazpi herrialdetako txerrikumeak hiru kirolatan lehiatu behar dira: lasterketa, igeriketa eta txerri-futbola. Errusiako Txerrientzako Kirol Federazioaren ordezkari batek esan duenez, “Olinpiar Jokoetan lehiatutako txerrikumeek txerri kirolari belaunaldi bat sortuko dute, eta gainera, ez ditu inork jango”.