MADDI KINTANA (ZURICH, SUITZA, 1999) ‘KLAK’ PROIEKTUKO KIDEA DA ETA ‘KABALA’ PODCASTEKO AURKEZLEA. SARE SOZIALETAN ERE IBILTZEN DA SALTSAN. ZER KONTATU DIGUN JAKIN NAHI?

• Zein da zure film erromantiko gogokoena?
  Kutsidazu bidea, Ixabel (Fernando Bernues eta Mireia Gabilondo, 2006). Euskal erromantizismo gordina.
• Eta noizbait bero-bero jarri zaituen telesaila?
  Kabala, zein bestela?
• Noiz eman zenuen zure lehen musua?
  16 urterekin, parke bateko banku batean, ebaluazio azterketa baten aurretik. Ongi pasatu zen.
• Joango al zinateke zita batera itsu-itsuan?
  Ez, ez naiz fidatzen.
• Zer da zita batean inoiz esan behar ez dena?
  “Ikusi duzu Realaren azken partida?” edo “Eskerrik”. Txartel gorri asko daude.
• Zer da lehen begiratuan segituan erakartzen zaituena?
  Osotasunak, ez diot arreta ematen gorputz atal jakin bati.
• Inoiz eman al dizute kalabazarik?
  Ez, baina patatak bai!
• Zein da ligatzeko erabili duzun trikimailurik onena?
  Ez dut trikimailurik, oso txarra naiz horrelakoetarako.
• App-ik edota sare sozialik erabili al duzu ligatzeko?
  Ez, old school hobe.
• Ze menu prestatuko zenuke zita baterako?
  Tipularik ez duen edozer gauza, agian tagliatelle alla carbonara.
• Ligatzeko ‘playlist’-ik badaukazu?
  Ez, regetoia nahikoa da, ezta?
• Inoiz eman dizuten gomendiorik onena ligatzeko?
  Norbere burua ez engainatzea.
• Eta txarrena?
  Jendeak aholkuak ematen dituenean, denok berdin funtzionatzen dugula pentsatuta.
• Zein da zurekin oheratzeko hobekien funtzionatu duen esaldia?
  “Ingo al deu?”.
• Maniarik ba al duzu oheratzerakoan?
  Ezin dut galtzerdiekin lo egin.
• Zein da zure fantasiarik zoroena?
  Independentzia eta sozialismoa.
• Inoiz egin al duzu txortan leku publiko batean?
  Komunismoan toki guztiak dira publikoak.
• Larrutan egin duzun lekurik gogokoena?
  Ohea.
• Zein da inoiz egin dizuten proposamenik zoroena?
  Sauna batera joatea. Ezin dut beroa jasan!
• Sexuan izan duzun esperientziarik traketsena?
  Mozkortuta ziurrenik.
• Zer da probatzera ausartuko zinatekeen gauzarik bitxiena?
  Samurtasun tailerra.
• Eta sekula probatuko ez zenukeena?
  Chemsex.