SEXUMATOIA: INTZA ALKAIN

INTZA ALKAIN (LASARTE ORIA, 1995) OHOLTZA GAINEAN IKUSI IZAN DUGU, HAINBAT ANTZEZLANETAN. BIXIA DA OSO, ETA BADIRUDI LIGATZE KONTUETAN ERE HALA DELA. HORI BAI, JANARIAREKIN BETI HOBE.

• Zein da zure film erromantiko gogokoena?
  Gabonetako komedia erromantiko estatubatuarrak.
• Eta noizbait bero-bero jarri zaituen telesaila?
  Foodie love (Isabel Coixet, 2019).
• Noiz eman zenuen zure lehen musua?
  Aspaldi, tximu bati, inauterietan. Hurrengo egunean tximu horren bila ibili nintzen eta gehiegi aurkitu nituen.
• Zer da zita batean inoiz esan behar ez dena?
  “Ba nire ex-a…” hasten diren esaldiak. Edo “Hain polita zara… ahaztu dut zer esan behar nuen”.  Kooontuz!
• Zer da lehen begiratuan segituan erakartzen zaituena?
  Bizarra. Ilea, orokorrean. Esan dut, bada, tximuak gustatzen zaizkidala, kar-kar.
• Inoiz eman al dizute kalabazarik?
  Bai, baina kalabaza purea ere goxoa ateratzen da!
• Zein da ligatzeko erabili duzun trikimailurik onena?
  Dantza. Shakiraren La tortura jarri eta ez dut besterik behar…
• App-ak edota sare sozialak ligatzeko erabili al dituzu?
  Ezezagunekin ligatzeko aplikaziorik ez, baina sare sozialetan ligatu dezakezu ezagunekin. Janaria duten reels-ak partekatzeak badu bere xarma.
• Zer menu prestatuko zenuke zita baterako?
  Txurroak txokolatearekin.
• Inoiz eman dizuten gomendiorik onena ligatzeko?
  Amak: “Intza, kabroiagoa izan beharko zenuke”. Batzuetan inuzenteegia naiz antza.
• Eta txarrena?
  Gabonetako komedia erromantiko estatubatuarrek erakutsi didaten guztia.
  
  
  
  
• Zein da zurekin oheratzeko hobekien funtzionatu duen esaldia?
  “Siesta?” –Nik ez dut inoiz siestarik egiten–.
• Maniarik ba al duzu oheratzerakoan?
  Berdin du zer alde eta jarreratan egon, nik ohearen nire aldean etzanda amaituko dut.
• Zein da etxean sexurako txokorik onena?
  Sofa.
• Inoiz harrapatu al zaituzte jo eta su?
  Bai, eta ez da horri buruz gehiago hitz egin familia bazkarietan.
• Zein da zure fantasiarik zoroena?
  Janaria eta sexua nahastea. Bakarka plazer iturri badira, elkarrekin zergatik ez?
• Larrutan egin duzun lekurik gogokoena?
  Kotxeak eta parking-a gutxietsiak daude.
• Sexuan izan duzun esperientziarik gozagarriena?
  Alua ongi jan zidaten lehenengo aldia. Ordura arte, asko galdu egiten ziren bidean…
• Eta traketsena?
  Klitoria nuela ahaztu zutenekoa.
• Zer da probatzera ausartuko zinatekeen gauzarik bitxiena?
  Sexu tantrikoa agian? 
• Eta sekula probatuko ez zenukeena?
  Fisting-a. Pentsatzeak ere min ematen dit...