AMAIA CASTORENEK (BAIGORRI, 1988) ERREZETA ORIGINAL ETA SANOAK PROPOSATZEN DITU ‘APETITU ON’ BLOGEAN ETA SAREETAN. GAI-JARTZAILEA ERE BADA ETA KANALDUDEN ELIKADURA ETA ONGIZATEARI BURUZKO KRONIKAK EGITEN DITU BESTEAK BESTE.

• Zein da zure film erromantiko gogokoena?
  La vie d'Adèle (Abdellatif Kechiche, 2013).   
• Eta noizbait bero-bero jarri zaituen jaki edo platera?
  Desioak jateko gogoa kentzen dit, postrea zuzenki dastatu nahi dut!
• Noiz eman zenuen zure lehen musua?
  13 urte bete nituen udan, igerilekuko dutxetan. Zoragarria izan zen! Zenbait egunez pinpirinak sentitu nituen sabelean!
• Zer da zita batean inoiz esan behar ez dena?
  “Oso ona naiz ohean”! Askok umilagoak izaten ikasi behar lukete, gure esperantzak gutxiagotan etsituak izateko.
• Zer da lehen begiratuan erakartzen zaituena?
  Begirada eta irribarrea. Bien konbinazioak malezia puntu bat erakusten badu, hobe!
• Zein da ligatzeko erabili duzun trikimailurik onena?
  Ezaxolakeria edo gauzak apur bat zail jartzea. Sedukzioaren jokoa iraunaraztea gustatzen zait.
• App-ak edota sare sozialak ligatzeko erabili al dituzu?
  Inoiz ez! Ostatu ilunak eta herriko bestak dira nire jostalekua!
• Inoiz eman dizuten gomendiorik onena ligatzeko?
  Nik nire buruari emandakoa: nire buruan konfiantza hartzea eta argiki ezetz esatea gustatzen ez zaizkidan gauzei!
• Zein da zurekin oheratzeko hobekien funtzionatu duen esaldia?
  “Gustatuko litzaidake gau honetan gure gorputzek elkarren ezagutza egin dezaten. Ezin dute ezkutatu jada elkar maite dutela!”.
• Maniarik ba al duzu oheratzerakoan?
  Sexua izan eta dutxatzea. Batzuetan dutxa asko dira egun batean...
• Zein da zure fantasiarik zoroena?
  Moralki debekatua den toki batean egitea.
• Inoiz egin al duzu txortan leku publiko batean?
  Bai, komun publikoak, aparkalekuak… Horretarako daude, ezta?
• Larrutan egin duzun lekurik gogokoena?
  Pentze batean, erreka baten ondoan. Bukolikoa!
• Zein da inoiz egin dizuten proposamenik zoroena?
  Hiruko plana. Eta ezetz esan nuen! Agian probatu beharko nuke hil aintzin!
• Sexuan izan duzun esperientziarik gozagarriena?
  Besteak nire plazera benetan helburutzat zuenean. Aski arraroa da azpimarratua izateko!
• Eta traketsena?
  Batzuetan ez du funtzionatzen eta ez da larria. Momentuan drama txiki bat den hori umorearekin hartu eta konplizitatea sortu dezake bi pertsonen artean.
• Janaria sexu-jolaserako ere ona al da?
  Niretzat ez! Nahiko maniatikoa naiz eta garbitasuna gustatzen zait!
• Zer da sekula probatuko ez zenukeena?
  Sexu jolasak grabatzea, ondorioek beldurtzen naute!