Satelite bidez zaindutako zakurra

Errusiako lehen ministro Vladimir Putinek bere zakurra satelite bidez zaintzen du. Zorigaiztoko maskotak Koni izena du, eta, jarri dioten lepokoari esker, ezingo du sekula ihes egin. Ezta ilargira joanda ere, di-da batean topatuko baitute. Lepokoak goi mailako teknologia sistema konplexua du bere baitan, eta Errusiako armadak urte luzez garatutako ikerketa baten emaitza da. Gauzak zer diren, batzuk maskota satelite bidez zaintzen, eta, gainontzekoak, beti atzetik builaka.