"Zaldi hustuak"
Beste poesia bilduma bat dakarkigu Aritz Gorrotxategi donostiarrak liburu honekin. Olerki guztiak ideia batek lotzen ditu: bizitzaren eta heriotzaren arteko harremanak. Abiapuntua Troiako Zaldia da, eta handik aurrera, animalia horrek lagunduta, idazleak proposatutako bidaia egingo dugu. Kultura klasikoari egindako keinuak, existentzialismoaren zertzeladak, maitasun kantak… bildu ditu Gorrotxategik.