"Emerald aether"

Nondik aterako ote du tartea gizon honek hainbeste proiektu aurrera eramateko? Musikaria (baxulari aparta), ekoizlea, negozio gizona eta nahasketak egiten maisua, reggae abeslariekin egindako lanarengatik ezagutu genuen. Gainera, ez da soilik jamaikar musikariekin aritu; afrikar, brasildar, txinatar, indiar, palestinar eta azkenaldion kubatar musikekin esperimentatzen ibili  baita (Fela Kuti, Manu Dibango, Toure Kunda...) Oraingoan, berriz, irlandar musika tradizionala hartu eta bere galbahe elektroniko berezitik pasatu du.