Pasos de baile (Pas de danse) **

John Malkovich aktore ezaguna kameraren atzean jarri zen lehen aldiz Hego Amerikako talde armatu iraultzaile baten liderraren atzetik dabilen polizia baten gorabeherak kontatzeko. Gerrillako buru arriskutsu horrek Ezequiel izena duen arren, Abimael Guzman —Sendero Luminoso-ko liderra— dakar gogora. Javier Bardem aktore espainiarra da Andres Vicente Gomez ezagunak ekoitzitako ezohiko thriller politiko honen protagonista. Ez da oso film ona, baina gustura ikusten da.