Ez dira 10.000 pauso, 7.000-rekin nahikoa da
2023/05/19
Testua: Jaione Dagdrømmer @hellehellei
Ibiltzeak gure osasun fisiko eta mentala hobetzen du. Alta, eztabaida ugari dago: Zein da onurak izateko gutxieneko zenbora? Zenbat dira gutxieneko pausoak?
Orain arte kopuruak argia zirudien: 10.000 pauso. Baina zein da ideia honen jatorria? Guztia marketin kanpaina batekin hasi zen. 1960. urtean japoniar erakunde batek podometroa merkaturatu nahi zuen, hau da, pausoak kontatzen dituen gailua, 1964ko Tokioko Olinpiar Jokoak profitatuz. Eurek ezarri zuten eguneko 10.000 pausoren ideia. Baina, beharrezkoa al da egunero 10.000 pauso ematea?
Ikerketa ugariren arabera, osasuntsu dagoen populazio helduak 4.000 eta 18.000 pauso artean ematen ditu egunero. Beste ikerketa batzuek diote sedentarismoan dagoen helduen batez bestekoa 5.900-6.900 pauso direla egunean, 10.000 pausotatik nahikotxo urrun.
Honek ez zaitzala atsekabetu, ordea. Askotan, kopuru horretara iristen ez bagara ere, ibiltzearen onurak jaso ditzakegu. Izan ere, ariketaren intentsitatea ere kontuan hartu behar da, ez bakarrik kantitatea.
Osasunaren Mundu Erakundearen arabera, jarduera fisikoak bihotzeko gaixotasunen bidez hiltzeko arriskuak murrizten ditu, baita minbizia edo diabetea garatzekoak ere. Depresioarekin eta antsietatearekin ere lagun lezake. Baina nola kalkulatu pertsona bakoitzak behar duen ariketa kopurua eta intentsitatea?
Onura hauek lortzeko beharrezkoa da modu moderatuan ariketa fisikoa burutzea. Astean 150-300 minutu. Ariketa trinkoagoak egin nahi badira, astean 75-150 minuturekin nahikoa da.
Baina zer da moderatua eta zer trinkoa? Tudor-Lockeren ikerketaren esanetan, minutuko 100 pausoko erritmoa badaramagu, jarduera moderatua burutzen ari gara. Aldiz, minutuko 130 pauso inguru ematen baditugu, trinkoa litzateke.
Orduan, hiruko taula bat egingo bagenu, normalean 5.900-6.900 pauso burutzen dituenak, bere eguneroko jarduerari 3.000-6.000 pauso gehituta, OMEk dioenarekin beteko luke. Azkar ibiliz gero, berriz, 1.950-3.900 pauso bitarte gehitzea nahikoa litzateke. Hori bai, hau egunero ez bada ere, astean gutxienez bost aldiz egin beharreko ariketa litzateke, eta gutxienez hamar minutuz jarraian. Beraz, 7.000 pauso inguru nahikoa da, beti ere, erritmoa egokia baldin bada.
Ikerketa ugariren arabera, osasuntsu dagoen populazio helduak 4.000 eta 18.000 pauso artean ematen ditu egunero. Beste ikerketa batzuek diote sedentarismoan dagoen helduen batez bestekoa 5.900-6.900 pauso direla egunean, 10.000 pausotatik nahikotxo urrun.
Honek ez zaitzala atsekabetu, ordea. Askotan, kopuru horretara iristen ez bagara ere, ibiltzearen onurak jaso ditzakegu. Izan ere, ariketaren intentsitatea ere kontuan hartu behar da, ez bakarrik kantitatea.
Osasunaren Mundu Erakundearen arabera, jarduera fisikoak bihotzeko gaixotasunen bidez hiltzeko arriskuak murrizten ditu, baita minbizia edo diabetea garatzekoak ere. Depresioarekin eta antsietatearekin ere lagun lezake. Baina nola kalkulatu pertsona bakoitzak behar duen ariketa kopurua eta intentsitatea?
Onura hauek lortzeko beharrezkoa da modu moderatuan ariketa fisikoa burutzea. Astean 150-300 minutu. Ariketa trinkoagoak egin nahi badira, astean 75-150 minuturekin nahikoa da.
Baina zer da moderatua eta zer trinkoa? Tudor-Lockeren ikerketaren esanetan, minutuko 100 pausoko erritmoa badaramagu, jarduera moderatua burutzen ari gara. Aldiz, minutuko 130 pauso inguru ematen baditugu, trinkoa litzateke.
Orduan, hiruko taula bat egingo bagenu, normalean 5.900-6.900 pauso burutzen dituenak, bere eguneroko jarduerari 3.000-6.000 pauso gehituta, OMEk dioenarekin beteko luke. Azkar ibiliz gero, berriz, 1.950-3.900 pauso bitarte gehitzea nahikoa litzateke. Hori bai, hau egunero ez bada ere, astean gutxienez bost aldiz egin beharreko ariketa litzateke, eta gutxienez hamar minutuz jarraian. Beraz, 7.000 pauso inguru nahikoa da, beti ere, erritmoa egokia baldin bada.