Neguko egunerokoa

Besteak beste New Yorkeko trilogiagatik zaigu aski ezaguna Paul Auster estatubatuarra. Bere obraren barruan zenbait lan autobiografiko plazaratu ditu, horien artean, Winter Journal (2012), Oskar Aranaren lanari esker orain euskaraz irakurri dezakeguna. Esperientzia berezia da irakurlearentzat Austerrengana hainbeste hurbiltzea, haurtzarotik hasi eta atzo bitarteko bizi-ibilerak, bidaia, harreman eta gertakizun sentituenak haren ahotik ezagutzea.