Lagunik onenak
Zure lagun taldea osatu nahi baduzu, hemen dituzu Koadrila Xop-en eskaintzarik onenak. Haiekin, koadrilan derrigorrez izan beharreko pertsonaiak izango dituzu. Telefonoa: 609000000. Dei ezazu lehenbailehen!
Plan egile biodinamikoa
• Buruzagitza
• Mota guztietako plan dibertigarrien antolakuntza
• Koadrila garbiketa: elementurik gorrotagarrienak kanpora!
• Gehiengoari, kasurik ez!
Eskaintza berezia: Bi plan egile biodinamiko hartuz gero, bakegile budista bat opari (Elkarri-n ibilitakoa).
Koadrila bat, aprobetxategi bat
• Inoiz ez du dirurik (patrikan, noski)
• Ogitartekoa jango dizu... zu konturatu gabe!
• Magian aditua; tragoxkak ateratzea egokitzen zaionean, desagertu egiten da.
• Eskakeoetan lizentziaduna
Nerbioek jota bukatzeko... beti-berandu
• Beti-berandu, ezinbesteko laguna!
• Abantaila ugari: planak pikutara bidal ditzake; pipak, txikleak edo nork bere azkazalak jateko aukera paregabea koadrilakideentzat...
Oharra: Beti-berandu bat hartuz gero, kontuan hartu paketea berandu iritsiko zaizula etxera.
Ez duzue koadrilakide aspergarririk?
• Ez daki hizketan
• Koadrilakidea da, baina ez balitz ere, berdin
• Ekarpenak, proposamenak, ideiak: 0
• Gai aspergarrien ezagutza zabala
Eta orain, koadrilakide aspergarri bat erosten baduzu, burko bana dohainik lagun guztientzat!
Zalantzati metafisikoa
• Taberna honetara ala horko horretara?
• Zerbeza ala ura?
• Pintxoren bat?
• Ez ezazue erabakirik har!
* Produktuak Zalantzati Mundi nazioarteko erakundearen kalitate bermea du