Hurrengo euskal youtuberra izateko prest?

2018/11/27

berria

Eman izena ikastaroan azaroaren 26tik aurrera B-Tuber ikastaroan!

Bilboko Udalak eta Azkue Fundazioak elkarlanean, gazteei euskal youtuber bilakatzen laguntzeko B-Tuber ikastaroak eskainiko dituzte abenduan eta urtarrilean, Euskararen Etxean. Eman izena ikastaroan, dagoeneko ireki dute epea!

PARTE HARTU DEZAKET?
Bilbon erroldatutako 13-16 urte bitarteko gazteei zuzendurako ikastaroak dira, beraz bai! Gainera, DOAN dira!

EMAN IZENA DOAN!

ZER ESKAINIKO DIDATE?
1) YOUTUBER IKASTAROA: Urtarrilak 2-3 (goizez). YouTube plataforma ezagutarazteaz gain, bideoak euskaraz sortzera, editatzera, produzitzera, post-produzitzera animatzea da B-Tuberren helburu nagusia eta horretarako formakuntza saioak eskainiko zaizkizue. Ikastaroaren irakasleak ANE ATXUTEGI eta ANE ITURRIARTE youtuberrak izango dira.

2) YOUTUBER IKASTARO AURRERATUA: Abenduak 26-27 (goizez). YouTube plataforma ezagutzen duzuenoi pauso bat aurrera egiteko aukera izango duzue ANE ATXUTEGI youtuberrari esker. Youtuben kanala sortzen, bideoak grabatzen eta batez ere, editatzen ikasiko dute (trantsizioak, zoom-a, testua, irudiak, musika, denbora….). Ikastaro dibertigarri eta praktikoa izango da!