Glutenik gabeko hiru errezeta erraz

Glutena garian, garagarrean eta antzeko zerealetan dagoen proteina sare bat da. Gariaren irina urarekin nahastean, glutena garatu eta oreari elastikotasuna ematen dio, puztu egiten du eta testura harroa eta mastikagarria izaten du.

Glutenik gabeko janaria prestatzeko, kontuan izan behar da garia, zekalea, garagarra eta glutena duten bestelako osagaiak saihestu behar ditugula. Hortaz, ondo garbitu sukaldeko tresneria eta lanean aritzeko gainazalak, eta ondo irakurri produktuen etiketak, glutenik ez dutela ziurtatzeko. Bestelako irinak erabil ditzakegu sukaldean: arrozarena, artoarena, almendrarena, garbantzuarena... Bizpahiru konbinatu daitezke, testura eta zaporea indartze aldera.

Hementxe dituzue glutenik gabeko hiru errezeta erraz:

GLUTENIK GABEKO OGIA

Osagaiak

• 250 g arroz-irin

• 100 g arto-almidoi

• 50 g almendra-irin

• 10 g psyllium hautsa (edo 5 g goma xantana)

• 7 g legami lehor

• Koilaratxo bete gatz

• Koilarakada bat azukre

• 350 ml ur epel

• Bi koilarakada oliba-olio

• Arrautza bat

Prestaketa

1. Nahastu osagai lehorrak ontzi batean.

2. Gehitu ura, olioa eta arrautza; irabiatu 3–4 minutuz (orea hezea eta itsaskorra izango da).

3. Jarri orea molde estali batean.

4. Utzi harrotzen 45–60 minutuz.

5. Labean sartu 180 °C-tan, 45–50 minutuz.

✅ Aholkua: guztiz hozten utzi, moztu aurretik.

GLUTENIK GABEKO PIZZA

Osagaiak

• 200 g arroz-irin

• 50 g arto-almidoi

• 10 g psyllium hauts edo 5 g goma xantana

• 7 g legami lehor

• Koilaratxo bete gatz

• Oliba-olio koilarakada bat

• 220 ml ur epel

Prestaketa

1. Nahastu dena ore itsaskor bat lortu arte.

2. Zabaldu labe-paper gainean, eskuak bustita.

3. Labean sartu 200 °C-tan, 10 minutuz.

4. Gehitu saltsa eta gainontzeko osagaiak.

5. Labean berriro 10–12 minutuz.

🔥 Aholkua: ertzak olioz igurtzi koloretsuagoa eta kurruskariagoa izateko.

GLUTENIK GABEKO BIZKOTXOA

Osagaiak

• 150 g arroz-irin

• 50 g almendra-irin

• 50 g arto-almidoi

• 3 arrautza

• 150 g azukre

• 100 ml olio leun

• 120 ml esne

• Koilaratxo bete labean egiteko hautsa, glutenik gabekoa

• Banilla-esentzia koilaratxo bat

Prestaketa

1. Irabiatu arrautzak eta azukrea, aparra sortu arte.

2. Likidoak gehitu.

3. Osagai lehorrak nahastu eta batu pixkanaka.

4. Labean sartu 180 °C-tan 35–40 minutuz.

💡 Aholkua: ez gehiegi nahastu; nahikoa da osagaiak integratzea.