Gasteizera iritsi da 'Malala, ikasle ausarta' erakusketa
Malala Yousafai aktibistaren eta erakusketa apirilaren 18ra arte bisita daiteke.
Donostian izan ondoren, Ignacio Aldecoa Kultur Etxeak Malala, ikasle ausarta erakusketa zabaldu du. Bisitariek Malala Yousafzai Bakearen Nobel Sari eta neskatoen hezkuntzaren eta emakumeen berdintasunaren aldeko giza eskubideen aldeko aktibistaren bizitza eta lana ezagutu ahal izango dute.
"Neskato batek, maistra batek, liburu batek eta arkatz batek mundua alda dezakete" ideia du oinarrian, eta Asier Iturralde Gaston-en ilustrazioak. Erresuma Batuan bizi den pakistandar aktibistaren bizitzako pasarteak kontatzen dira bertan, 2012an jasotako erasotik hasita.
Erakusketa apirilaren 18ra arte egongo da zabalik.
Jarduera osagarriak
Erakusketarekin batera, beste bi jarduera ere antolatu dituzte. Otsailaren 24an, 6 eta 9 urte bitarteko haurrentzako ilustrazio tailerra egingo dute. Martxoaren 1ean, berriz, Hark Malalak deitu zidan filma emango dute eta, ondoren, Donostiako Giza Eskubideen Zinemaldiaren zuzendaria den Josemari Beltranekin solasaldia egingo dute.