Facebook eta Telegram, diru trukea baimentzeko bidean
Testua: Ane Urrutikoetxea @aneurruti
Bitcoinek lortu ez zuena egiteko prest daude sare sozialak!
Sare sozial erabilienen anbizioak ez du etenik, eta orain, diruari begira jarri dira. Hala, orain arte kripto-monetek lortu ez dutena egiteko prest daude; mezu bitartez erabiltzaileek dirua bidaltzeko aukera izatea. Hain zuzen, Bitcoinek ez du lortu moneta digitalak arrakasta izatea eta diru tradizionala ordezkatzea; ordea, sare sozialek arrakastarako gakoa izan dezakete.
Facebook, Telegram eta Signal lanean ari dira funtzionala izan daitekeen sistema baten bila, eta datorren urterako martxan egon daitezke kripto-moneta berriak. Hala, Venmo edota Paypalen antzera, nazioartean salerosketak egiteko aukera eskaini dezakete aurrerantzean sare sozialek.
Noski, ikusmin handiena Facebookek sortu du; enpresak moneta bat sortuko du WhatsAppeko erabiltzaileentzat, eta adituek diotenez, diru birtual hori lagun eta senideei zuzenean mezuz bidaltzeko aukera eskainiko dute. Lortuko ote dute?