Euskarazko zinemaren inguruan solasaldia Durangoko Azokan
Abenduak 3, larunbata, euskarazko zinemarensorkuntza eta kontsumoaren inguruan mintzatuko dira zinemaren munduko hainbataditu 15:00etatik 16:30era Irudienean.
Zinea atariak euskarazko sorkuntzan etakontsumoan sakonduko du aurten Durangoko Azokan. Edonor al da sortzaile? Zeintestuingurutan? Zergatik sortzen dugu? Eta nola? Aldiz, euskarazko zinemakontsumitzen dugu? Militantziagatik ala era naturalean? Euskal kontsumitzaileakhezi behar al ditugu? Galdera asko sortu zaizkie, eta guzti horiek lantzeko, laulagun gonbidatu dituzte larunbatean, hilak 3, 15:00etan Irudienean egingo dutensaioan:
- Maria Elorza zinegilea da. Las Chicas de Pasaik kolektiboan eta bere kontutik aritzen da, eta Tabakalerako Kultur proiektuko kidea ere bada. 2016ko Kimuak Katalogoan hautatu duten Gure Hormek filma osatu du Maider Fernandezekin batera, berriki Zinebi jaialdiko Euskal Zinearen saria eskuratu duena, eta Donostia 2016ko Kalebegiak proiekturako La chica de la luz laburra ere aurkeztu du kolektiboak.
- Eneko Sagardoy aktorea da. Durangoko Karrika antzerki taldean hasi zen antzezpena lantzen, eta ostean, Goenkale telesailean egindako lanagatik egin zen ezagun. Ordutik, antzerkian aritu da, urteko pare bat obra aurkezten, eta zineman ere dozena bat lan egindakoa da, bereziki film laburretan. Udaberrian Aundiya (Jon Garaño eta Aitor Arregi) filma errodatu zuen, eta antzerkian buru-belarri jarraitzen du Treblinkara Azken Trena lanarekin.
- Amaia Garcia kultur kazetari eta blogaria da. El círculo fotograma izeneko bloga kudeatu eta elikatzen du, eta Zinea.eus atarian, Arrosa irrati sarean, Segura irratian eta Hernaniko Kronikan, besteak beste, kolaboratzen du. Zinemaldiko Zurriolako Butaka saioan ere parte hartu izan du azken urteetan.
- Aitor Abaroa, kultur kazetari eta zine aditua da. Gaztezulo aldizkariko zuzendari izandakoak, dozenaka irrati eta telebista saiotan hartu du parte azken urteetan, hala nola, ETB1eko Mihiluze, Azpimarra eta Ahoz aho saioetan, Euskadi Irratiko Amarauna saioan, eta Euskalerria Irratiko Metropoli Forala saioan. Zinearekin lotutako dozenaka ekitalditan ere hartu du parte, besteak beste, bere sorterriko Zine Bileran.