"Ecografias" obraren antzezlana taularatuko dute asteburuan

Karmele Jaiok idatzitako bakarrizketa hunkigarria da 'Ekografiak', eta hortik abiatuta, lana antzezlan bilakatu du Ramon Barea zuzendariak. Irene Bau aktorea da protagonista, eta amatasunaren inguruko hausnarketak izango ditu oinarri obrak. Obra Bilboko Pabiloi 6 aretoan aurkeztuko dute bihar eta etzi gaueko 20:00etan, eta igandean iluntzeko 19:00etan.

---

Abbis Abbebara neskato bat adoptatzera doan emakumea da 'Ecografias'eko pertsonaia bakarra. Ama izateko nahi horretatik aurrera, baina, eremu ezezagun batera bidaiatuko du protagonistak, bere izaera ezagutzera, hain zuzen. Bizipenak eta gogoetak kontatuko ditu taula gainean, sentimendu nahasiak agerian utzita.

Adopzioa, Etiopia, hutsunea eta beldurrak gai nagusi harturik, emakumeak bere gurasoekin zein seme-alabekin dituen harremanak landu ditu Karmele Jaiok testu literarioan. Berau eszenaratzeak hainbat zailtasun tekniko sortu baditu ere, apal iristen da obra ikuslearengana.

Antzezlana otsailaren 10, 11 eta 12an taularatuko dute, hau da, bihar, etzi eta igandean. Bilboko Pabiloi 6 aretoan izango da, lehen bi egunetan iluntzeko 20:00etan, eta igandean 19:00etan.