Bullying-aren inguruko antzezlana Urruñan
Igande goizean eskainiko du emanaldia Izturitzeko antzerki taldeak.
Urruñako antzerki eskolak antzezlana antolatu du iganderako, gaurkotasun handiko gai baten inguruan: bullying-a. Izturitzeko antzerki taldeak eskainiko du Pantzo Hirigaraik gazteek eskolan sufritzen duten jazarpenaren inguruan sortutako obra.
Antzezlanaren kontakizunean neska gazte batek bullying-a sufritu du eta bere ikaskide ohiei ordainaraziko die anaiaren laguntzarekin. Gai serioa izanagatik, umorea ere badela aurreratu dute.
Emanaldia Urruñako Itsas Mendi zinemagelan izango da igandean, 11:00etan, eta sarrerak 4 euro balioko ditu.