Berotegi efektuaren arriskuak
%40 hazi da, Industria Iraultzatik, atmosferako CO2 kopurua, Hawaiiko Loa Mauna behatokiak neurtutakoaren arabera. Berotegi efektuaren gas sortzaileen artean nagusia da CO2, eta adituek diotenez, espero baino gehiago pilatzen ari da atmosferan. Lurra CO2 xurgatzeko ahalmena galtzen ari dela gaineratu dute, eta beraz, horrela jarraituz gero, are gehiago murriztu beharko direla gas igorpenak.