Bazenekien Gabonetan sexu gehiago dugula?

Bazenekien Gabonetan sexu gehiago dugula? Hona hemen zazpi arrazoi! https://www.gaztezulo.eus/albisteak/bazenekien-gabonetan-sexu-gehiago-dugula/@@download/image/1545308636_024171_1545309311_noticia_normal_recorte1.jpg
2018/12/24
berria
Hona hemen zazpi arrazoi!
Bazenekien Gabonetan sexu gehiago dugula?

Ez dakigu hotza den, Gabonetako argiak edo janari goxoa... baina bat-batean, gure sexurako desioak gora egiten du egunotan. Zergatik ote? Hemen dituzue zazpi arrazoi:

1) DENBORA LIBREA: Opor egunak dituzuenok, zorionekoak zarete! Denbora librea izateak beti errazten ditu gauzak; gainera lo gehiago egiteko aukera ere baduzue, edo ez...

2) JANARI AFRODISIAKOA: Egunotan bapo irentsiko dituzue turroia, mariskoa, foie, bonboiak... bada jakin ezazue jaki horiek kilo batzuk gehitzeaz gain efektu afrodisiakoak ere badituztela!

3) ALKOHOLA: Parranda eta jaietako lagun likidoak beste behin lagunduko dizue... ez da ala? Ez da sekretua alkoholak harremanak egiteko lagungarri moduan askotan funtzionatu duela, beraz, topa!

4) MAITASUNA: Horrenbeste iragarki, film erromantiko eta abesti maitekor kontsumituta, ez dago ekiditerik; ingurukoak inoiz baino gehiago maite ditugu Gabonetan!

5) POZTASUNA: Eta bai, argitxoek, opariek, lagunekin egindako afariek eta jan zein lo bapo betetzeak gure umorea alaitzen du... bizitzako plazerak, jan, jo eta lo!

6) OPARI 'BEREZIAK': Bereziak hitza erabiltzean gaizki pentsatu duzuenok asmatu duzue; bai, hala da, jostailu erotikoez ari gara! Oraindik opariak erostekotan bazabiltza, badakizu... pilak izan ditzala!

7) ITXURA ZAINTZEA: Eta nola ez, horrenbeste konpromiso izanda, gure itxura ohi baino gehiago zaintzen dugu egunotan. Afarietan, bazkarietan, parrandetan... oraindik ez dakizu nola jantziko zara urte zaharrean? Ez ahaztu azpiko arropa gorriduna!