Artea botika da gizakiarentzat
Testua: Jaione Dagdrommer @hellehellei
Beti da ederra bidean artea eta zientzia elkar topatzen direnean. Adibidez, batak bestearen sendagai efektuak frogatzen dituenean. Oraingo honetan zientziak azpimarratu ditu artearen onura: artea botika da gizakiarentzat.
2017an argitaratutako ikerketa baten arabera ospitaletako hormetan koadroak ipintzeak pazienteen ongizatea hobetzen zuen eta horregatik lehenago errekuperatzen dira. Beste ikerketa batek dionez arteak osasunean duen eragin positiboa ez da bakarrik pazienteen errekuperazioan atzematen, baita ospitaletan emandako denboran eta minarekiko tolerantzian. Hori kontuan izanik iaz Montreal Musen of Fine Arts-ek bertako ospitale batekin aliantza iragarri zuen. Horrela, bertako medikuek noizean behinkako museora bisitak errezetatu ditzakete pazientei.
Jakina, tratamendu baten osagarri izan daiteke artea, beti ere gaixotasunaren larritasunaren arabera. Haatik, artea eta osasunaren arteko erlazioak aurrekari milenaristak ditu. Tradizio xaman anitzetan interpretatzen dira pieza magiko eta kutsu artistikoko erritualak sendagai moduan. Oraingoan, urtetan zehar luzetan jakina zena baieztatzera etorri da zientzia, arterik gabe ez dago osasunik.
