‘Airbag’-en oinordekoa?

Badirudi Juanma Bajo Ulloak Airbag (1997) gogoangarriarekin izandako arrakasta errepikatu nahi duela. Zuzendari gasteiztarraren film berriak El Rey Gitano izango du izenburua, road movie bat izango da, eta noski, Karra Elejalde eta Manuel Manquiña izango ditu protagonista, Jose Mari eta Primitivo detektibe frakasatuen paperetan. Hori gutxi balitz, Rosa María Sardá, Pilar Bardem, Albert Pla edota Gorka Aginagaldek ere errepikatuko dute.