Adarra saria Berri Txarrak taldearentzat
2019/05/20
Ane Urrutikoetxea @aneurruti
Ekainaren 21ean izango da emanaldia, Donostiako Viktoria Eugenia antzokian.
Mikel Laboa, Ruper Ordorika, Benito Lertxundi, Fermin Muguruza eta Anariren lekukoa hartuko du aurten Berri Txarrak taldeak. Donostiako Udalak ematen duen Adarra saria jasoko dute ekainaren 21ean, Musikaren Egunean,Viktoria Eugenia antzokian egingo duten ekitaldian.
Berri Txarrak-en emanaldi honetarako sarrerak asteartean, hilak 21, jarriko dira salgai 30 eurotan, eta oraingoz, Ikusi Arte Tour biraren barruan taldeak Donostian emango duen kontzertu bakarra izango da.