#30egun30doinu: zer entzuten dugu?
Amaitu da Twitterren martxan jarritako #30egun30doinu erronka, zeintzuk izan dira arrakastatsuenak?
Udan zehar @musikatzen , @theindezents eta @hellehellei Twitterreko hirukoteak #30egun30doinu erronka jarri zuten martxan. Proposamena Gaizka Izagirreren #30egun30film erronka arrakastatsutik abiatuta jaio zen, eta bi hilabetez sare astintzen eman ondoren, ondorioak ezagutzeko unea iritsi da; izan ere, hilabete iraun duen esperimentu hau kontraesanez beteta egon da eta horixe izan da hain zuzen ere hain interesgarri egin duena: batentzat historiako abesti onena dena, besteak ezin du jasan. Bizitzako beste edozein alorretan bezala, ezta?
Erabiltzaileek gustukoen dituzten bertako zein atzerriko taldeak edota gehien gorroto dituztenak zeintzuk diren jakin nahi baduzu, @theindezents-en bloga kuxkuxeatu dezakezu.
On egin!