"Nelson Mandela"
Maritxu Murua historialariak Mandelaren bizitza pertsonalean, eta batez ere, apartheidaren aurkako borrokan eta Hegoafrikako historian murgiltzen du irakurlea. Komenigarria da liburua patxadaz irakurtzea, datuekin eta pertsonaiekin ez korapilatzeko. Lagungarri gisa, izendegia eta kronologia ere bada liburuaren atzealdean. Mandelari buruz idatzitako biografia irakurtzeak gai honen inguruko jakinmina pizten du. Irakurketa egokia, begirada Jabulanietatik, vuvuzeletatik eta Waka wakatik haratago dutenentzat, Madibarengandik asko ikas baitaiteke.
