"Heriotzaren soinekoa"
Multibidaiariak izeneko bildumari hasiera emanez bi liburu aurkeztu ditu Morillok: bata Grezian kokatua, eta honako hau, berriz, Japonian. Bost gaztek denbora eta espazioaren mugak gaindituko dituzte ordenagailu baten eta kristalezko kubo baten laguntzaz, eta Japonian agertuko dira 1600 urtean. Hainbat oztopo gainditu beharko dituzte bizirik jarraitzeko. Irakurterraza da liburua eta abenturaren tentsioak harrapatu egingo zaitu. Egokia Matrix eta Stargate bezalako istorioak maite dituzten gaztetxo zein helduentzat.
