Inon ez, inoiz ez

Bikote harreman konplikatuak, gure testuinguru politikoaren ajeak, neurotismoaren sokaren gainean doi dirauten pertsonaiak eta gehiago bizi dira Inon ez, Inoiz ez osatzen duten istorio laburretan. Estilo bizkor eta maleziatsuan, gordintasun sotilarekin daude idatziak. Potentzia handiko letra arteko mezuak eta ipuinetan guztiz murgiltzera daramaten amu kako zorrotzak tarteko, askotariko azpijokoetan eroriko da irakurlea ohartu gabe orrietan aurrera eginez.