Every Minute

Ez naiz PJ Harveyrekin alderatuko duen enegarrena izango, aspaldi frogatu baitu Ainarak bere talentua. Lan honetan ere talentua, nortasuna eta pasioa erruz aurki daitezke. Bere ahots indartsua du diskoak oinarri, nahieran darabilelarik. Abesti bakoitzarekin emozio lagin ezberdinak biltzen ditu: samina, gozamena, etsipena... Guztia rock esperimentalean bilduta. Baina lan hau hitz batekin definitu beharko banu hitz hori zintzotasuna litzateke. Horren isla da diskoaren 250 kopia bakarrik aterako dituztela eta merkatal zentro handietan ez dela komertzializatuko. Galtzear dagoen espeziea da Ainara Legardon, zaindu dezagun!